تحلية رمضانية بالفلان و البيمو مكونات بسيطة و بنة خيالية

1/2 لتر حليب

علبة فلان وزن 50غ اي ذوق تحبوا

2 ملاعق كبار سكر

1 ملعقة كبيرة مايزينة

علبة بيمو من غير شوكولاطة او كريمة

للتزين :

صوص كارميل و كاوكاو محمص ومرحي

طريقة التحضير:

في كسرونة نحطوا نصف لتر تاع الحليب والسكر و نحطوه يغلي كي يسخن نفرغوا علبة الفلان ونحركوا من جهة اخرى في شوية حليب بارد دوبي مغرف تاع النشاء و فرغيها فالكسرونة وحركي ماتنحيش يدك حتى يعقد شوية.

في مول يكون صغير نكسر مكعبات البيمو انا ماكملتش الباكي حوالي باكي غير ربع و نخلي الفلان يبرد شوية وساعة ساعة نحركو باه مايجمدش كي تتنحالوا الساخانة الي بزاف نفغوا فوق القاطوا نحاول نهبط شوية القاطوا بالمغرف ونخليه يبرد وندخلوا.

كي نجبدوا نفوت موس على الحواف باه يتقلبلي ليه ليه وفي بلاطوا نقلبوا بالخف والتزين هنا اختيري وتقدري تخليه هكاك انا درت شوية صوص كراميل و كاوكاو محمص و مطحون الصراحة الذوق تاع الكراميل مع الكاوكاو زاد فالبنة تاع التحلية نزيد ندخلوا فالثلاجة و نجبد نقطعوا وبالصحة والعافية.