بقلاوة بشكل جديد مورقة ومقرمشة

المكوّنات:

كيلو فرينة نكيلو بعلبة المرغرين 250غ اربعة كيلات

كيلة نصف ماء ونصف ماء الزهر

مغرفة صغيرة لفاني

كيلة سمن بنفس العلبة

حبة بيض

الحشوة

4 كيلات لوز او كوكاو او كيلو

مغرفة لفاني

كيلة ناقص اصبع سكر

4 مغارف سمن ذيبين

فنجال ماء الزهر

ميزينة وسمن ذائب لتوريق

حبات لوز او كوكاو

كيلو عسيلة

الخطوات

-الخطوة 1

في بسينة نديرو الفرينة والسمن ولفاني ونخدموهم مليح حتى تتبسس الفرينةنديرو حفرة في وسط الفرينة نديرو حبة البيض وكمية من خليط الماء وماء الزهر ونخلطو مليح البيض ونطمو العجين بكمية الماء وماء الزهر نتحصلو على عجينة طرية نوعا ما

-الخطوة 2

نقسمو العجينة على 12 كرية ونديروهم في كيس بلستيكي ونخلوها تريح

من جيهة اخرة نخدمو الكوكاو نديرو السكر لفاني والسمن وماء الزهر ونفتلوهم ونخلوهم حتى يذوب السكر تماما انا خليتهم اربعة ساعات

-الخطوة 3

نبداو نفتحو فلعجينة بلكرية ونديرو الميزينة نفتحو بلوحدة نديرو مابين كل وحدة ميزينة نديرو لطبقة لتحتنيا 6 كريات نفتحوهم مليح حتى نتحصلو على طبقة عجين رقيقة نحو بلوحدة ونفرشو فسنيوة لي تكون مدهونة بسمن وما بين كل طبقة عجين نديرو السمن الذائب بلبانسو حتى نكملوهم بين ستة طبقة لخرا منديروش سمن ونديرو الكوكاو تعنا

نكملو الكريات الستة لي بقاو بنفس الطريقة الاولى ونديرو مبين كل طبقة سمن فطبقة الاخيرة لي هيا لوجه تاع البقلاوة منديروش السمن حتى نقطعوها بمسطرة او مول في كل حبة نزينوها بحبة لوز

-الخطوة 5

من الفوق نفرغو كمية لباس بيها من السمن ونحو الزوائد

ندخلوها للفور طيب كي نشفو الجوانب حمارو نشعلولها ملفوق تتحمر وتاخض اللون الذهبي بعدما نخرجوها نعسلوها ونخلوها تشرب لعسل